Ish-kryeministri Sali Berisha ka zbuluar votën kundër të deputetëve që ai përfaqëson në lidhje me projektligjin për rritjen e pagave për disa kategori të administratës, përfshirë dhe vetë ligjvënësit.
Berisha tha se PD është pro rritjes së pagave, por kjo duhet të nisë nga minimumi jetik, që ai ka propozuar që të jetë 200 euro.
Sali Berisha:
Kam qenë, jam dhe do të jem pro rritjes së rrogave, nëse ka një faktor shkatërrimtar për këtë vend ka qenë ngrirja e rrogave. Sot ky akt ku dyfishohen rrogast e zyrtarëve të lartë, dhe rriten me 1% rrogat e të tjerëve… kam insistuar që ky proces të kulmojë me vendosjen e minimumit jetik prej 200 eurosh, duhet të ishte akti i parë për ti dhënë përgjigje këtij mjerimi të frikshëm që është krijuar në Shqipëri.
Në vend që të niste me minimumin jetik, dhe pagat minimale, dhe bënte një zhdukje të mjerimit, në kuptimin e varfërisë ekstreme, dhe ishte një masë absolutisht e mundshme, kur dimë që këtyre qytetarëve ju vidhen nga pushtetarët çdo vit, dyfishi i fondit të pagave.
Ne nuk e votojmë rritjen e sotme, nuk jemi kundër rritjes së pagave, por jemi kundër mashtrimit të bërë nga kjo qeveri. Nëse ju themi se do të dyfishohet paga mesatare, të fillojmë me minimumin jetik.
