Shkarkoni aplikacionin e Fax Web

 


FlashSportTe FunditTe Gjitha

Dush i ftohtë për Allegrin…, ja si e “masakruan” lojtarët e tij (video)

Fundjavën e kaluar, me fitoren ndaj Fiorentinës, bardhezinjtë e Allegrit u rikonfirmuan kampionë të Serie A. Ky ishte titulli i tetë radhazi, i pesti me trajnerin livornez në drejtim. Një “diktaturë” e “Zonjës së Vjetër” në futbollin italian, por që nuk po e gjen dot rrugën për të pasur sukses edhe në Europë, më konkretisht në Ligën e Kampionëve.

Eliminimi që në çerekfinale, këtë sezon, ndaj Ajax, ishte një zhgënjim i madh në Torino, sepse kishte pritshmëri të shumta në këtë kompeticion, pas ardhjes së Ronaldos. Megjithatë, titulli në Serie A duket se e ka ëmbëlsuar sadopak situatën në kampin bardhezi, çka duket edhe në mënyrën e festimit (përtej kamerave). Një video e publikuar nga Sky Sport tregon prapaskenat në mjediset e brendshme të stadiumit “Allianz”, pas fitores me Fiorentinën.

Lojtarët e Juves, saktësisht Chiellini, Bonucci, Matuidi dhe Pjanic, e “rrëmbejnë” nga dhomat e zhveshjes trajnerin Allegri dhe e hedhin në një pishinë të vogël, ku e lagura me shpamanjë në fushën e blertë nuk është asgjë para ujit aty. Një dush për t’u shkundur mirë e lënë pas eliminimin nga Ajax, për të cilin Allegri mori mjaft kritika, u kryqëzua nga tifozët bardhezinj.

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Leave a Reply

Your email address will not be published. Required fields are marked *