Duma e akuzon se biznesmeni i landfillit të Sharrës i pagoi Charterin, reagon Veliaj

Ditën e sotme Partia Demokratike deklaroi se kryebashkiaku Veliaj fluturoi drejt Francës me një avion charter të paguar nga biznesmeni i plehrave në landfillin e Sharrës. Mirëpo nuk ka munguar përgjigja e Veliaj i cili ka shpjeguar se ka udhëtuar ditën e djeshme po jo drejt Francës. Ai thotë se ka shkuar për një vizitë të shkurtër në Itali për të vizituar Bashkim Finon, i cili ndodhet në spital. 

Mbetet i paqartë itenerari Itali-Francë. 

”Bashkia e Tiranës hedh poshtë shpifjet e fundit të Partisë Demokratike, lidhur me një gjoja udhëtim që Kryetari i Bashkisë paska bërë dy ditë më parë në Paris.

Kjo është një sajesë e ulët që vetëm zyra e SHQUP-it mund ta fabrikojë dhe sigurisht, si çdo gënjeshtër tjetër e tyre hidhet poshtë lehtë.

Kryetari i Bashkisë së Tiranës, pasi ka inspektuar dje rreth orës 10.00 të paradites punimet që po kryhen për rikonstruksionin e Kopshtit 17, ka udhëtuar për në Itali me një kompani fluturimi “low cost” për të vizituar deputetin e PS-së, Bashkim Fino, i cili po kurohet prej disa ditësh në shtetin fqinj. Mbrëmjen e djeshme z. Veliaj është kthyer sërish në Tiranë, për të vijuar sot në mëngjes me inspektimin te Parku i Madh i Liqenit, ku edhe deklaroi se i shtohen 25 hektarë hapësirë publike e gjelbërim, si dhe një takim me Ambasadoren e Islandës në Tiranë, Estrid Brekkan.

Për ta faktuar këtë po publikojmë edhe biletën e udhëtimit të kryetarit të Bashkisë së Tiranës.

Bashkia e Tiranës dhe kryetari i Bashkisë vijojnë punën e pandalur për kthimin e Tiranës në drejtimin e duhur”, mbyllet deklarata. (E.K/SHUPLAKA)

[ngg_images source=”galleries” container_ids=”823″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]