Shkarkoni aplikacionin e Fax Web

 


AktualitetFlashKryesoreTe FunditTe Gjitha

“Duhen marrë masa për portalet”, zv.ministrja e Drejtësisë injoron AMA-n: Draftin e kemi përmirësuar

Ditën e sotme në Komisionin e Ligjeve është diskutuar lidhur me projektligjin e ndryshuar për mediat audiovizive, ku është thërritur për të raportuar zëvendësministrja e drejtësisë Fjoralba Caka.

Përballë deputetëve, Caka ngriti shqetësimet mbi portalet që sipas saj nuk i kanë të regjistruar punonjësit.

Po ashtu sipas zv.ministres duhet të bëhet transparenca e pronësisë së mediave, ndërsa shton se ka një përmirësim të draftit pas konsultimeve me përfaqësues të BE-së dhe OSBE-së.

Nga ana tjetër kujtojmë se AMA e rrëzoi këtë draft me shumicë votash, por ky vendim i tyre duket se nuk do të merret parasysh nga ana e qeverisë, dhe projektligji do të kalojë për votim në Kuvend.

“Portalet mediatike nuk i kanë të regjistruar të punesuarit, është e nevojshme që gazetarët të kenë një kontratë të rregullt pune. Duhet të bëhet transparencë mbi pronësinë e mediave, pasi mosregjistrimi i portaleve mund të ndikojë te opinion publik.

Përmes regjishtrimit të portaleve, u japim mundësine qytetarëve që për lajmet e rremë të padisin portalin. Jemi keshilluar me osbe dhe Be, ka pasur përmirësime nga drafti i parë”, tha Caka në Komision.

Sipas 3 anëtarëve të AMA-s, propozimet e qeverisë ndrydhin lirinë dhe zhvillimin e medias informative online.

“Propozimet e qeverisë anashkalojnë një nga parimet më të rëndësishme të medias së shkruar atë të vetrregullimit ndërkohë që aktet ndërkombëtare dhe veçmas direktiva e BE për mediat audiovizive inkurajon edhe vetë rregullatorët ti japin përparësi këtij parimi.

Fatkeqësisht ndryshimet në ligj nuk janë mbështetur mbi këto praktika të vendeve të lira dhe demokratike duke i dhënë AMA, një institucioni të pavarur parlamentar ndër të tjera edhe kompetenca për vlerësimin e përmbajtjes editoriale të mediave”, thuhet në reagimin e 3 anëtarëve të Bordit të AMA.

(E.K/Faxweb.al)

Fjalët Kyce

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

Mund të Lexoni

Close