Kryetari i FRPD-së, Belind Këlliçi ka denoncuar një skandal që po ndodh në Tiranë pak para zgjedhjeve.
Sipas Këlliçit, drejtoresha e Zyrës Vendore Arsimore Tiranë, Erjeta Alhysa e cila ka kandiduar më parë edhe për deputete e PS-së, ka kërcënuar mësuesit me vendin e punës nëse nuk sigurojnë vota për Partinë Socialiste.
Postimi i plotë:
Erjeta Allhysa, ish deputete e PS dhe aktualisht drejtoreshë e Zyrës Vendore Arsimore Tiranë, ka mbledhur me urgjencë në Ndroq drejtorët e shkollave të qarkut Tiranë. “Mblidhni vota në favor të PS ose suksese në jetë”.
Erjeta Allhysa, mos u bëj kamikaze nga dëshpërimi! I mbyturi do ju marrë me vete.
Shkolla është vatër dijesh, jo qendër rekrutimi kamikazësh! Politika duhet t’i përulet shkollës dhe jo e kundërta.
Edhe 31 ditë dhe në shkollat tona do të valëvitet vetëm flamuri kombëtar!
Shkolla do të çlirohet nga edukimi i militantizmit dhe i heshtjes ndaj padrejtësive.
Modeli Allhysa thyhet më 25 prill!
(R.G/Faxweb.al)