Policia italiane ka identifikuar së fundmi njeriun i cili ditët e fundit i ka dërguar mesazhe kërcënuese , nëpërmjet internetit, kryeministres italiane Giorgia Meloni. Ai është një burrë 27- vjeçar i papunë që jeton në zonën më të gjerë të Sirakuzës, në Siçili.
Në një mesazh që i ka dërguar, 27 vjeçari i ka shkruar Melonit se “nëse ajo anulon pagesën sociale të papunësisë, ai do ta vrasë atë dhe vajzën e saj” dhe fraza të tjera kërcënuese të ngjashme. Personi akuzohet nga drejtësia se i ka dërguar mesazhe të dhunshme kryeministres Italiane.
