Shkarkoni aplikacionin e Fax Web

 


AktualitetFlashTe FunditTe Gjitha

“Do të ndryshojnë gjërat po qemë bashkë të gjithë: Ju lutem mos ikni! Ju lutemi ejani!”

Kleriku katolik dom Gjergj Meta ka bërë një reagim të fortë ndaj të rinjve që po ikin çdo ditë e më shumë nga vendi si dhe ndaj atyre që tashmë jetojnë nëpër vende të ndryshme të botës, ku në një mënyrë lutëse u kërkon që të mos e braktisin vendin e tyre pavarësisht kushteve në të cilat ndodhen.

Kleriku shkruan se nuk duhen bërë djerr tokat dhe të shkreta bjeshkët apo shtëpitë të pabanuara e qytetët fantazma, por që të gjithë bashkë mund t’i ndryshojmë gjërat.

Reagimi i plotë:

Ju lutem mos ikni! Ju lutemi ejani!

E di se dikujt nuk i pelqen te degjoje perseri nga goja ime fjalet qe do them. Mund t’i duken të mërzitshme e bajate.

Por dua t’ju them nga thellësia e zemrës:
Mos ikni më nga Shqipëria! Ju lutem mos ikni! Mos t’i lejmë djerr tokat e shkret bjeshkët. Mos t’i lemë shtëpitë e pabanuara e qytetet fantazma. Mos të çrrënjosemi se nuk kemi ku ngulim rrënjë më. Këtu jemi dikushi e diku tjetër nuk jemi askushi. Në fund të fundit mos ta flakim tej historinë e familjeve e fiseve tona.

Edhe atyre që janë jashtë u them: ejani! Do të ndryshojnë gjërat po qemë bashkë të gjithë. Ne mund t’i ndryshojmë gjërat. Kthehuni e t’i banojmë edhe një herë fshatrat e qytezat tona. Keni punuar e po punoni. Ndër vite keni ndërtuar shtëpi këtu e tani i keni lënë bosh me ndonjë të moshuar brenda, por që nuk do të jetojë shumë. Kemi përgjegjësi për këtë vend e jo vetëm për vete e për familjet tona. Sa trishtim janë fshatrat tonë, lagjet e qytezat tona kur sheh se janë zbrazur apo me njerëz që duan të ikin.

Ta bëjmë Shqipërinë t’i gëzohet pranisë tonë si nëna fmijëve të saj.

Uroj më të mirat për ju të gjithë e i lutem Zotit për familjet tuaja! E shpresoj se do të tingëllojë sadopak në zemrat tuaja kjo fjalë.

Mbrëmje të bukur!

+ dom Gjergji

(F.GJ/FAXWEB.AL)

Fjalët Kyce
Për kë do të votoni në zgjedhjet e 25 prillit?
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.