Raporti më i fundit i Dia-s mbi mafian italiane zbulon lidhjet e frikshme të kësaj të fundit me politikën, biznesin dhe profesionistët e lirë për më tepër dhe me organizatave kriminale në Shqipëri të cilat sipas këtij raporti janë ndër furnizuesit kryesor me drogë dhe armë jo vetëm të tregut italian por dhe atij evropian.
Fenomeni më shqetësues që del nga raporti i fundit i Dia-s për gjysmën e parë të 2019-s mbi Mafian Apuliane të paraqitur është zgjerimi i “zonës gri” – një pikë takimi midis krimit të organizuar, sipërmarrësve, profesionistëve të lirë dhe përfaqësuesve të administratës publike.
“Niveli i infiltrimit të krimit në Administratën Publike është i lartë dhe analiza e dinamikës të fenomeneve kriminale duket se konfirmon që në Rajon ka dëshmi të një rritje kriminale dhe konsolidimin e një zone mes krimit, mafias dhe Administratës Publike. Një shifër e konfirmuar në të njëjtën ditë nga shpërbërja e Bashkisë së Scorrano, e dyta në dy muaj në Salento pas asaj të Carmiano-s.”, shkruhet në raport.
Ajo çka theksohet me të madhe është ‘shkrirja’ e administratës publike dhe vendimmarrësve me organizata mafioze përgjegjëse për trafikun e drogës, armëve, prostitucionit dhe zhvatjes. Sipas raportimeve organizatat kriminale shqiptare po bashkëpunojnë ngushtë me ato italiane:
“Biznesi thelbësor i mafies Apulu dhe Salentine gjithmonë mbetet droga. Edhe në semestrin në fjalë, tregu i drogës vazhdon dhe është biznesi thelbësor i organizatave të lartpërmendura kriminale nga Salento, në kontakt të ngushtë me grupet kriminale shqiptare. Bregu i Leçes, pra, vazhdon të përfaqësojë, për Shqipërinë fqinje, të parën pikë themelore për furnizimin me marijuanë, dhe jo vetëm për tregjet italiane dhe evropiane.
Kontrolli i tregut të drogës dhe shesheve të lidhura me shpërndarjen e drogës është shpesh shkaku i fërkimeve të përgjakshme dhe përplasjeve midis grupeve kriminale që insistojnë në të njëjtin territor. Në këtë sens, gjetjet hetimore të lidhura me operacionin “Tornado” (24 qershor 2019) nga Carabinieri, të cilat rikonstruktuan arsyet e një vrasje që ndodhi në Maglie, dhe për të hedhur dritë mbi një seri aktesh shantazhuese që nga viti 2017, duken emblematike ata kishin prekur territoret e Komunave të Salentos të Maglie, Scorrano dhe zonat fqinje. Lidhjet e qëndrueshme midis partneriteteve Apulian dhe grupeve kriminale nga vendet e zonës së Ballkanit, në veçanti shqiptarët, ishin të dobishëm jo vetëm për trafikun e drogës dhe kontrabandën e duhanit, por edhe për atë të imigracionit të paligjshëm duke përdorur marinarë dhe komando si dhe kontrabandistë nga Lindja, ukrainas, rusë dhe gjeorgjianë. Një fenomenologji e mëtutjeshme kriminale që duket se prek po aq shumë brigjet e Salentos është trafikimi i armëve nga Shqipëria dhe Mali i Zi2‘, specifikohet në raport.