Shkarkoni aplikacionin e Fax Web

 


AktualitetFlashKryesoreTe FunditTe Gjitha

Detajet/ Vrasja në Kavajë ndodhi poshtë pallatit të Marsida Qatjas, rrëfehet autori: U errësova dhe e vrava, po pinim që nga ora 11

Të tjera detaje kanë dalë në dritë nga vrasja e 26-vjeçarit Marjo Ismaili në Kavajë pak orë më parë. Sipas burimeve të “FaxNews”, ngjarja ka ndodhur tek lokali poshtë pallatit të Marsida Qatjas.

Kjo e fundit nuk është një emër i panjohur për publikun sepse në fillim të muajit tetor në hyrjen e saj u vra Dritan Haxholli dhe u plagos efektivi Bledar Toçi.

Sipas informacioneve, 26-vjeçari dhe autori, Xhevdet Lecini kanë qenë bashkë në lokal duke pirë alkool që nga ora 11 e paradites. Për shkak të pijes, ata kanë nisur të debatojnë për motive banale dhe më pas situata ka agravuar deri në përdorimin e armës.

Autori 60-vjeçar është shoqëruar menjëherë në ambientet e policisë, ndërsa gjatë marrjes së dëshmisë ai është shprehur se gjithçka ndodhi për shkak të pijes.

“Kemi qenë të pirë, ishim prej orës 11:00 në tavolinë. Nuk e di si ndodhi, u errësova dhe e vrava”, mësohet se ka thënë Lecini. 60-vjeçari banon në katin e tretë të pallatit, ndërsa është edhe pronar i lokalit ku ndodhi vrasja.

(M. I./ Faxweb.al)

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *