Delegacioni ukrainas ka mbërritur në zonën në kufirin Ukrainë-Bjellorusi për bisedime me Rusinë, njoftoi Presidenca ukrainase të hënën në mëngjes.
Sipas një deklarate, delegacioni përfshin, ndër të tjera, Ministrin e Mbrojtjes Oleksiy Reznikov, këshilltarin e shefit të zyrës së Presidentit të Ukrainës Mykhailo Podoliak dhe zëvendësministrin e Punëve të Jashtme të Ukrainës Mykola Tochytskyi.
Presidenti i Ukrainës Volodymyr Zelensky nuk është pjesë e delegacionit.
Çështja kryesore e negociatave për palën ukrainase është arritja e armëpushimit të menjëhershëm dhe tërheqja e trupave ruse nga territori ukrainas, njoftoi zyra e Zelensky ndërsa bisedimet e paqes fillojnë në Bjellorusi.
Ky takim vjen në një kohë që në shumë qytete të Ukrainës, zhvillohen ende dyluftime me armë mes palëve.
Gjatë ditës së djeshme presidenti ukrainas, e refuzoi propozimin e rusëve për t’u takuar në Bjellorusi, por pas garancive të Lukashenkos, ai pranoi dhe sot priten me interes bisedimet.
Në fjalimin e tij të dielën, presidenti ukrainas Zelensky tha se nuk priste një përparim nga këto bisedime.
Por, shtoi ai, ata duhet të përpiqen dhe ta përdorin këtë shans edhe nëse është i vogël, në mënyrë që askush të mos fajësojë Ukrainën që nuk u përpoq të ndalojë luftën.
⚡️⚡️ Ukrainian delegation in choppers arrive in Belarus to hold talks with Russia — RIA pic.twitter.com/RIutGeDQ2T
— Ragıp Soylu (@ragipsoylu) February 28, 2022