Deputeti demokrat, Flamur Noka ka debatuar me gazetarin Arian Çani në lidhje me zgjedhjet lokale që do të mbahen më 14 maj.
I ftuar në një emision, Noka tha se Edi Rama blen vota, teksa Çani e cilësoi këtë një aftësi të kryeministrit.
Noka u shpreh se po të donte mund t’i kontrollonte bandat në 2013 kur ishte ministër i Brendshëm për të fituar zgjedhjet, por nuk e bëri diçka të tillë.
Flamur Noka: Ai paguan gjithçka, ai paguan ambasadorë, ai paguan McGonigal. Edi Rama është vetëm fasadë.
Arian Çani: Prandaj pëlqehet, këtë jam duke thënë.
Flamur Noka: Pas 2013, kurrë nuk ka qëndruar asnjë ditë me votë. Gjithmonë me votë të blerë dhe të manipuluar.
Arian Çani: Kjo është aftësi.
Flamur Noka: Në 2013, sikur të donte Sali Berisha, ata kriminelët që luftuan Ramën për ta sjellë në pushtet, i kontrolloja vetë po të doja, isha ministër i Brendshëm.
Çani: Njerëzit kanë nevojë për një njeri të fortë.
Noka: Në një vend ku perandoria Osmane ka futur kulturën e mercenarizmit, gjejnë mercenarë.
Çani: Me gjithë këto mëkate që thoni ju, Ramsi numëron sërish 800 mijë vota.
Noka: Të blera. Fakti që Ramsi bëri gjithçka të përjashtojë opozitën nga zgjedhjet, tregon se ai e di shumë mirë situatën.
Çani: Unë mund të vazhdojë t’i bie fyllit me një vrimë përderisa vrima është bosh dhe nuk është mbushur.
