Mjeku Erion Dasho ka folur për rrèzikun e korònavirusit tek fëmijët e vegjël duke theksuar se sëmundshmëria në krahasim me adultët është e vogël. Megjithatë nuk e shmang vëmendjen për kujdes, por theksin më të madh ia vendos vitit të ri shkollor duke i dhënë disa këshilla Ministrisë së Arsimit.
Dasho thotë se nuk duhen penalizuar miliarda fëmijë në gjithë botën nga arsimimi dhe edukimi. “Me afrimin e shtatorit, është koha që Ministria e Arsimit dhe Ministria e Shëndetësisë të ngrejnë një grup ekspertësh të cilët të analizojnë evidencat dhe të marrin vendimin se si do të funksionojnë shkollat gjatë vitit shkollor 2020-21: në kushte normale, online apo me sistem miks”, shprehet ndër të tjera mjeku.
Postimi i plotë: Còvid DHE FËMIJËT. Risku i fëmijëve në raport me Còvid dhe roli i tyre në transmetimin e virusit ka qënë një nga temat më të debatueshme gjatë gjithë èpidemisë. Fillimisht u mendua se fëmijët nuk preken nga Còvid, por mund të luajnë rol në transmetim. Kjo ishte arsyeja se përse u rekomandua mbyllja e shkollave si masë anti-Còvid.
Më vonë, shumë studime hodhën poshtë rolin e fëmijëve në transmetim dhe mjaft vende rihapën shkollat. Në vijim, u hodhën dyshime se fëmijët mund të preken madje të zhvillojnë edhe komplikacione si p.sh. Sindròma Kawasaki, ç’ka bënte thirrje për kujdes.
Para disa ditësh në fytin e fëmijëve të ekspozuar ndaj SARS-CoV-2 u gjetën ngarkesa virale më të larta se edhe tek të rriturit, duke hedhur sërish tezën e rolit që mund të kenë fëmijët në transmetim. Faktikisht, sèmundshmëria dhe vdèkshmëria nga Còvid në moshën pediatrike mbetet ende shumë e ulët në raport me adultët dhe, sidomos, të moshuarit. Rëndësia e debatit shkencor ka të bëjë kryesisht me rolin e mundshëm të shkollave në përhapjen e epidemisë së Còvid-19.
Ajo që synohet, është vendosja e një balance: nga njëra anë duhet kufizuar përhapja e Còvid, por nga ana tjetër nuk duhen penalizuar miliarda fëmijë në gjithë botën nga arsimimi dhe edukimi.
NJË VIT NË JETËN E NJË FËMIJE KA RËNDËSI TË JASHTËZAKONSHME PËR FORMIMIN JO VETËM SHKENCOR, POR EDHE FIZIK, MENDOR DHE SOCIAL! TË PRIVOSH FËMIJËT QOFTË EDHE NGA NJË VIT SHKOLLOR KA PASOJA TË PARIKUPERUESHME PËR TË ARDHMEN E TYRE!
Me afrimin e shtatorit, është koha që Ministria e Arsimit dhe Ministria e Shëndetësisë të ngrejnë një grup ekspertësh të cilët të analizojnë evidencat dhe të marrin vendimin se si do të funksionojnë shkollat gjatë vitit shkollor 2020-21: në kushte normale, online apo me sistem miks.
Ndonëse është shumë vonë për përgatitje të plota dhe gjithëpërfshirëse, të paktën të merren masa për të krijuar një sistem për manaxhimin e mësimit (Learning Management System) që viti i ri shkollor të mos i gjejë mësuesit shqiptarë duke përdorur rrjetet sociale për mësimdhënie.
SHËNDETI FIZIK, MENDOR DHE SOCIAL I FËMIJËVE GJATË PANDEMISË SI DHE ARSIMIMI I TYRE ËSHTË NJË NGA SHQETËSIMET KRYESORE TË ÇDO SHOQËRIE TË PËRGJEGJSHME. KOHA PËR TË VEPRUAR ËSHTË TANI!