Policia greke ka arrestuar një 40-vjeçar, i cili ka shkaktuar dëme në makina dhe një dyqan në zonën lindore të Selanikut , pasi po hidhte sende nga ballkoni i shtëpisë së tij.
Ngjarja ka ndodhur mbrëmjen e së mërkurës, kur sipas ERT-së, burri ka dalë në ballkonin e banesës ku jeton dhe ka nisur të hedhë sirtarë, dollapë, madje edhe një televizor në rrugë.
Gjërat e hedhura nga 40-vjeçari kanë shkaktuar dëme në tre makina dhe në fasadën e një dyqani .
Policia u thirr në zonë dhe arrestoi 40-vjeçarin në shtëpinë e të cilit gjeti një sasi të vogël kokaine.
Ndaj tij është ngritur procedim për drogë dhe dëmtim të pasurisë së huaj.
Discussion about this post