Shkarkoni aplikacionin e Fax Web

 


AktualitetFlashPolitikëTe FunditTe Gjitha

VIDEO/ Deklarata bòmbë e Çim Pekës: Basha dèbatoi ashpèr me Yuri Kim, i tha ‘nuk jam Luli Basha, jeni palë me Ramën’

Gazetari Çim Peka ka bërë një deklaratë të fortë mbrëmjen e sotme ndërsa ka zbuluar një debat të të zhvilluar mes kreut të PD Lulzim Basha dhe ambasadores së SHBA në Tiranë Yuri Kim kohët e fundit teksa gjithë debati zien për Reformën Zgjedhore.

Gazetari  ka thënë se Basha i ka bërë të qartë ambasadores amerikane se ai nuk është “Luli Basha” por “zoti Basha, kryetar i opozitës”.

Akoma më e fortë bëhet deklarata e tij kur thotë se Lulzim Basha ka akuzuar Kim se është palë me kryeministrin Edi Rama.

“Nga burimet e mia, ose thënë më shkurt nga burimet pranë një medie që informohet nga Ambasada Amerikane shumë shpesh. Ka pasur një bisedë shumë të acartë, të fortë nga kryetari i opozitës zoti Basha me ambasadoren e SHBA Yuri Kim, gjatë drekës. Me tone shumë të ashpra. Ku zoti Basha i ka bërë të qartë ambasadores “unë nuk jam Luli Basha. Unë jam zoti Basha, jam kryetari i Opozitës. Nëse vazhdoni të jeni në lojë me kryeministrin Rama, vazhdoni me të.”, tha Peka.

Më tej ka vijuar duke thënë se ka qenë një bisedë e ndërtuar më shumë si një pretencë ndaj ambasadores sesa si ndërmjetëse.

Kujtojmë se më datë 26 Maj, Yuri Kim ishte në zyrën e kreut të opozitës ku në përfundim të takimit patën një komunikim të dy bashkë për gazetarët, ndërsa ka rënë në sy dhe nuk ka kaluar pa u komentuar mënyra se si ajo ju drejtua Bashës duke e quajtur “Luli Basha”.

Kim ka shkaktuar të qeshura tek gazetarët me mënyrën se si i është drejtuar kreut të opozitës. Ka qenë e qëllimshme në formë miqësore apo për shkak të shqiptimit kjo nuk dihet, por Kim e ka quajtur Bashën me emrin ‘Luli’.

Por kjo nuk mbaron me kaq, pasi të qeshurat mes gazetarëve dhe mimikën e Bashës e ka ndryshuar edhe përkthyeesja e cila e ka shqiptuar edhe ajo emrin e kryedemokratit njësoj si Kim, ‘Luli Basha’. Nga ana e tij, Basha ka ruajtur seriozitetin por që duket në mimikë që e ka gjetur në befasi mënyra se si ia ka përmendur emrin diplomatja.


(F.GJ/FAXWEB.AL)

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *