Caktohet godina për pritjen e emigrantëve, drejtori i ISHSSH-së: Nuk më pyeten, nuk plotësohen kushtet për akomodimin e tyre

Godina e konviktit e shkollës “Pandeli Sotiri” po sistemohet dhe u bë gati për pritjen e emigrantëve nëse do të ketë mbingarkesë.

Këtë vendim e ka marrë Bashkia e Gjirokastrës së bashku me Drejtorinë e Agjensisë së kujdesit dhe mirëqënies sociale  por pa u vendosur në dijeni Inspektoriati Shtetëror i Shëndetit.

Drejtuesi i këtij të fundit, Edi Sinoimeri ka pohuar ekskluzivisht për Fax News se nuk është në dijeni të kësaj situate dhe në datën 2 Mars ka qenë për inspektim në këtë godinë ku ka kërkuar masa për higjenen sanitare si dhe  analiza uji etj.

Sipas tij, godina në fjalë nuk plotëson kushtet për pritjen e emigrantëve.

Ditën e djeshme 27 emigrantët që ndodheshin prej orësh në Doganën e Kapshticës i janë nënshtruar procedurave përpara se të mbërrinin në një hotel në qytetin e Korçës ku do të karantinohen për 14 ditë.

Atyre ju bëhet një kontroll mjekësor si dhe mbi dokumentacionin ndërsa Policia bëri transportimin e tyre drejt hotelit.

Një gjë e tillë është bërë pas negociatave dhe marrjes përsipër të kostos me 14 ditë hotel dhe ushqim 3 vaktet nga Këshilli Koordinues i Diasporës Shqiptare.

Një vendim i tillë është marrë po ashtu pasi kryeministri Edi Rama deklaroi se ata do të lejoheshin të futen në territorin tonë, nëse karantinohen 2 javë në struktura hoteliere me kostot e veta.

Ndërkohë, ajo çfarë dimë të gjithë është plani i masave që të paktën na ka prezantuar publikisht qeveria dhe që përfshihen edhe qendrat e karantinimit për personat e dyshuar me koronavirus, siç është Kavalishenca në Durrës.

Por qeveria e Ramës i ka rënë lapsit duke ia lënë dikujt tjetri përsipër barrën e kostos që ka trajtimi i shtetasve të saj që prej ditësh enden doganave pasi atdheu iu ka mbyllur portat.

(F.GJ/FAXWEB.AL)