Reforma zgjedhore është kthyer në këto ditët e fundit në një nga temat më të debatueshme dhe duket se dy partitë e mëdha kanë rënë dakord për të formuar Komsionin që do të merret me këtë.
Ditën e enjte në Parlament do të ngrihet edhe pozicioni, ndrësa formati paraprak është me 5 anëtarë për opozitën dhe 5 për mazhorancën.
Sipas “Report TV” Partia Socialiste do të propozojë në detyrën e bashkëkryetarit ish-ministrin e cështjeve vendore, Bledi Çuçi, ndërsa PD do të bashkëdrejtojë me Oerd Bylykbashin.
Partia Socialiste do t’i mbajë të gjithë anëtarët për vete si e vetmja forcë qeverisëse, por e paqartë ngelet situata në kampin opozitar. Nga PD thuhet se përveç bashkëkryetarit Bylykbashi, kjo parti është e gatshme t’i ndajë këto vende me 4 aleatët e saj me të cilët garoi në zgjedhjet e 25 qershorit.
Në këtë mënyrë LSI do të ngelej e pa përfaqësuar. Por duke marrë në konsideratë peshën e votave të LSI-së në parlament, situata imponon marrëveshje dhe negociata mes PD_së dhe LSI-së, pasi janë në të njëjtën llogore. Një zgjidhje e mundshme është ajo që komisioni të ketë 5 anëtarë përvec personit të gjashtë, bashkëkryetarit. Kështu, PD do të kishte të përfaqësuar aleatët, të cilëve ju ka premtuar, e do të krijohej edhe një vend për LSI-në.
Të pyetur nga ‘’Report Tv” , nga LSI thonë që nuk janë të shqetësuar për këtë cështje, por sfidë kanë pavarësinë e vettingut dhe luftën kundër krimit. Pas ngritjes së komisionit, do të fillojë puna për reformën zgjedhore, e cila është e parashikuar që në marrëveshjen e 18 majit mes Ramës dhe Bashës në kapitullin e reformës kushtetuese.
Paraprakisht PD kërkon sistem maxhoritar të kushtëzuar me votim e numërim elektronik, ndërsa PS nuk shprehet qartësisht nëse kërkon ndryshim sistemi, por vetëm thotë se nuk mund të ulen në këtë tryezë me kushte.
(E.K/SHUPLAKA)
