AktualitetFlashKryesoreTe FunditTe Gjitha

Burri ishte administrator pallati, kishte dalë derë më derë të mblidhte lekët, gruaja punonte në Hipotekë/ Detaje të reja nga Elbasani

Ka shkuar ne 5 persona numri i të prekurve me Covid 19-të në qytetin e Elbasanit . Shifra është konfirmuar edhe nga Minsitria e Shëndetësisë.  Bëhet fjalë për dy djemtë  e 62 vjecarit të infektuar një ditë më parë banor të lagjes “Emin Matraxhiu”. Ata janë përkatësisht të moshës 22 dhe 25 vjec.

Ende është e paqartë nga hetimi epidemiologjik se kush nga pjestarët  e familjes është prekur më parë dhe ka  infektuar  më pas  pjesën tjetër. Ndërsa një ditë më parë u deklarua se një nga djemtë pasi ka pasur kontakte me një shtetas italian, dyshohet se ka infektuar familjen e tij, i pashpjegueshëm  është fakti se vetëm gruaja e familjes ka rezultuar negative.

Në këtë kuadër nukpërjashtohet mundësia që të jetë infektuar gruaja e para, pasi fqinjët konfirmojnë faktin se ajo para dy javësh ka pasur temperaturë, duke nënkuptuar se tanponi ka rezultuar negativ pasi gruaja të jetë shëruar në kushte shtëpie.

Gjithsesi 4 anëtarët e familjes janë izoluar prej ditës së djeshme në banesën e tyre. Shqetësim është fakti i zinxhirit të kontakteve. Djemtë nuk përbëjnë shumë problem në Elbasan pasi ata jetonin në kryeqytet, por prindërit kishin lëvizje në qytet.

Gruaja është punonjëse e hipotekës , ndërsa burri adminsitrator pallati. Burimet bëjnë me dije se qysh prej një jave hipoteka vijon punën me staf të reduktuar, duke dërguar në shtëpi pjesën dërrmuese të stafit, ndërsa burri administrator javën e fundit kishte mbledhur edhe lekët e ashensorit.

Në lidhje me këtë fakt banorët aty pranë e ndjejnë veten të rriskuar, ndonëse një ditë më parë u krye dezifektimi i zonës, pallatit dhe banesës.

Në lidhje me dy të infektuarit e parë në Elbasan, të cilët janë  të së njëjtës familje shpresohet që tamponët që do tu bëhen të rezultojnë negativ, pasi janë stabilizuar ndjeshëm. Në Elbasan konstatohen 5 të infektuar që i përkasin dy familjeve./ Entela Duka-Faxnews

A ju duket i drejtë vendimi i qeverisë Rama për të kufizuar dhe lëvizjen e këmbësorëve si masë për të parandaluar përhapjen e COVID 19?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *