Denada Jushi
Disa ditë më parë një 14-vjeçar nxënës i klasës së shtatë kreu një masakër në shkollën e tij “Vladislav Ribnikar” në Serbi.
Në letër ai kishte shënuar të gjithë ata që gjatë orëve të mësimit e kishin bullizuar e më pas vendosi t’i ekzekutonte një e nga një si formë hakmarrje!
Dy ditë më pas, po në të njejtën shkollë, një djalosh e imitoi vrasësin me një pistoletë lodër, çka shkaktoi frikë e panik tek bashkëmoshtarët e tij!
Tallja, vënia në loje, përçmimi janë për fat të keq trendi i të rinjve sot!
Edhe në Shqipëri, nëse bën një vezhgim në shkollat e arsimit parauniversitar shikon se ky fenomen është i përmasave të mëdha!
Jo pak herë sherret që nisin nga ngacmime në klasa apo rrjete sociale përfundojnë në perleshje masive , herë me thika e arrijnë deri në marrje jetësh!
Por bullizmi është gjithashtu një fenomen që iu shkakton të rinjve depresion, humbje besimi.
Të qenurit objekt tallës për vite në shkollë pasojat tek shendeti mendor i adoleshenteve është i madh!
Humbja e vetbesimit, mbyllja në vetvete, mos deshira për t’u integruar në shoqëri çon deri në raste ekstreme si vetvrasja apo izolimi ndaj botës së jashtme!
Sot, sfida e prindërve, mësuesve, psikologëve është komunikimi, nëpërmjet tij evidentimi i rasteve ku adoleshentet janë duke u përballur me bullizmin. Ndihma e tyre, por edhe marrja e masave ndaj atyre që e kryejnë këtë akt është e një rëndësie jetike!
Ndryshe ky fenomen do të rritet edhe më tutje, nesër do prekë secilin nga ne, tek femijët tanë.
Në Serbi dje u vranë 9 të rinj nga mllefi i akumuluar i shokut të tyre, por ngjarja dje veçse shumë e rëndë është dhe një këmbanë, e cila duhet degjuar, për të parandaluar!