Shkarkoni aplikacionin e Fax Web

 


AktualitetFlashKryesoreTe FunditTe Gjitha

“Bleva dy sufllaqe e i shkova te shpia”, rrëfehet pedofili nga Berati në gjykatë, dyshohet për viktima të tjera

Lihet në burg “pedofili” 31-vjeçar Petrit Pire, Gjykata e Beratit vendosi për të masën e sigurisë “arrest në burg”. Pire akuzohet se ngacmoi seksualisht minorenin 13-vjeç me inicialet G.Ç. Detaje të reja nga hetimet e Prokurorisë.

Është dhënë sot masa e sigurisë “arrest në burg” për pedofilin 31-vjeç Petrit Pire,i arrestuar dy ditë më parë pas akuzave ndaj tij të një 13-vjeçari nga fshati Moravë,që e ka akuzuar se e ka prekur seksualisht në organet gjenitale.

Petrit Pire,nga fshati Tapi në rrethin e Kuçovës ka dalë sot përpara togave të zeza për tu njohur me masën e sigurisë. Ka qënë prokurori Dritan Gripshi,që në bazë të provave dhe dëshmive të grumbulluara i ka kërkuar gjykatës “vlerësimin të ligjshëm” të arrestimit të tij,për veprën penale “ngacmim seksual” dhe caktimin e masës së sigurimit “arrest në burg” pa afat. Mësohet se pedofili Petrit Pire,i pyetur në seancë,nuk ka pranuar ta ketë prekur të miturin.

“Unë jam njohur me 13-vjeçarin nëpërmjet lojës Free Fire që luanim prej disa muaj bashkë në internet,ku ishin edhe 2 lojtarë të tjerë. Pasi pashë profilin e tij dhe meqë jetonim afër njëri-tjetrit i kërkova të takoheshim nga afër.

Kam shkuar në afërsi të një reparti ushtarak në fshatin Moravë ku ai jetonte dhe kisha marë me vete edhe 2 suflaqe,të cilat i kisha blerë për ti ngrënë së bashku. Kam qëndruar 30 minuta me të,derisa mbaruam ushqimin dhe jam larguar për në banesën time, nuk e kam prekur në asnjë moment”-ka thënë në sallën e gjyqit Petrit Pire.

Gjyqtari Pëllumb Zaimi, pasi ka dëgjuar organin e akuzës dhe pretendimet e palëve,ka vlerësuar “të ligjshëm” arrestimin e Petrit Pires dhe ka caktuar për të masën e sigurisë “arrest në burg” pa afat.

Burime të besueshme nga Prokuroria e Beratit bëjnë me dije se, ka dyshime se 13-vjeçari G.Ç nuk është e vetmja “pre” e pedofilit 31-vjeçar Petrit Pire. Për këtë arsye prokuroria ka sekuestruar telefonin e Petrit Pires për ta analizuar dhe për të parë kontaktet e tij me të tjerë fëmijë, me të cilët ka qënë në kontakt të vazhdueshëm nëpërmjet lojës Free Fire, ku kishte profilin “police”.

Ngjarja.

Arrestimi i 31-vjeçarit Petrit Pire u krye mbrëmjen e së Hënës në banesën e tij.Ngjarja kishte ndodhur 2-javë më parë por i mituri nuk u kishte treguar prindërve.Të hënën ai u kishte treguar familjarëve dhe ata e kanë shoqëruar në polici për të denoncuar ngacmimin seksual.

Në Drejtorinë Vendore të Policisë Berat,13-vjeçari ka treguar gjithçka kishte ndodhur,në prani edhe të një psikologu.I mituri ka treguar se ishte njohur me Piren në lojën Free Fire dhe pasi e kishte ftuar për tu takuar,ai kishte shkuar.I mituri ka treguar se Pire i ka zbërthyer pantallonat,ja ka ulur poshtë dhe e ka fërkuar në organet gjenitale.13-vjeçari është trembur,ka bërtitur dhe është larguar me vrap.

(R.G/Faxweb.al)

Për kë do të votoni në zgjedhjet e 25 prillit?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.