AktualitetFlashJetë dhe stilShëndetiTe FunditTe Gjitha

Bëhet nënë 67-vjeçarja që ngeli shtatzënë në mënyrë natyrale: U bazua në mjekësinë tradiconale

Një 67-vjeçare i ka dhënë jetë fëmijës së saj në një provincë të Kinës duke u bërë nëna më e vjetër në këtë shtet. Zonja Tian, lindi një vajzë në maternitetin Zozhuang, ku kishte punuar si mjeke para se të dilte në pension.

Një zëdhënëse e spitalit ka thënë për CNN se Tian mbeti shtatzënë në mënyrë natyrale, duke shfrytëzuar dijet e saj mjekësore duke aplikuar tek vetja trajtime fertiliteti të mjekësisë tradicionale kineze.

Foshnja erdhi në jetë përmes një operacioni cezarian. ‘Patëm shumë fat duke pasur parasysh se mosha e nënës ishte e madhe dhe kishte disa komplikacione’, u shpreh Liu Ëencheng, mjekia që ndoqi lindjen. Vajza peshonte 2.56 kg kur lindi.

Mjekia konstatoi gjatë operacionit se vezoret e gruas ishin si të një 40-vjeçareje dhe kjo ka luajtur një rol të rëndësishëm në shtatzëninë natyrale. Nëna dhe vajza gëzojnë të dyja shëndet të mirë.

Një dhuratë nga parajsa

Bashkëshorti i Tiang tha se e sapolindura është pagëzuar me emrin Tianci që do të thotë ‘dhuratë nga parajsa’. Çifti ka dy fëmijë të rritur, një djalë dhe një vajzë e disa nipër e mbesa. Mbesa më e madhe mbush 18 vjeç këtë vit.

Fëmijët e tyre nuk ishin dakord me këtë shtatzëni, madje Tian tha se vajza e kishte paralajmëruar se nëse sillte në jetë këtë fëmijë, s’do t’i fliste me gojë.  Gjithmonë e më shumë gra në moshë të madhe po përpiqen të kenë fëmijë në kinë që pas tërheqjes së ligjit për një fëmijë në vitin 2016.

Në shtator, një 73-vjeçare nga India solli në jetë dy vajza binjake përmes fertilizimit in vitro.

Palët politike u ulën në tavolinë për Reformën Zgjedhore, mendoni se është arritur një marrëveshje mes liderëve kryesorë dhe për çështje të tjera?

Për t'ju bashkuar grupit të Faxweb.al në Facebook, klikoni Join Group

Artikuj të Ngjashëm

Leave a Reply

Your email address will not be published. Required fields are marked *