Shkarkoni aplikacionin e Fax Web

 


AktualitetFlashKryesorePolitikëTe FunditTe Gjitha

Basha e paditi për shpifje, Veliaj i përgjigjet kreut të PD-së: Nuk kam frikë! Me paratë që kam fituar nga gjyqet kam pajisur shkollat e Tiranës me kompjutera

Kryebashkiaku i Tiranës Erion Veliaj gjatë një interviste për Fax News në emisionin “Aktualitet” ka sulmuar sërish liderin e PD-së, Lulzim Basha se ai akoma nuk është gati për të ardhur në qeveri.

Veliaj është përgjigjur edhe për paditë që kreu i PD-së ka bërë ndaj tij për shpifje ku ka theksuar se nuk ka frikë pasi i ka fituar të gjitha gjyqet ndaj tij dhe paratë kanë shkauar për pajisjen me kompjutera të rinj të shkollave të kryeqytet.

Veliaj: Në momentin që ke ngritur një kulturë ku i bie çdo kulle, çdo sipërmarrësi, i bie dhe pastaj krejt papritur shuhet protesta, krejt papritur ndalon protesta tek Astiri, ndalon tek Rruga e Kombit, ndalon tek Bulevardi i ri.

Unë po ngre pyetjen dhe pyetjen që unë ngre është PSE. Se kur ti thua që unë do të shtrihem përballë fadromës unë po pyes pse. Fakti që dhe vetë opozita merret me bashkinë e Tiranës do të thotë se ende nuk janë gati që ta aplikojnë për vend pune në kryeminsitri. Pasi po merret vetëm me bashkinë e Tiranës, kjo do të thotë se mendërisht nuk ka kaluar shansin e humbur të bashkisë.

Bejdo Male: Ke frikë ndaj padive?

Veliaj: Fare, sepse i kam fituar të gjitha! I kam fituar të gjitha gjyqet e PD-se për shpifje, dhe një pjesë e madhe e shkollave të Tiranës janë bërë me kompjutera të rinj nga të gjitha paratë e fituara në gjyqe. Pres që edhe për gjyqet e shtëpive të Lulit dhe makinave të Astirit , të shtojë kompjutera në shkolla të Tiranës, pasi është një mënyrë e mirë që të kthejmë shpifjen në diçka pozitive.

(M.Q/Faxweb.al)

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *