Shkarkoni aplikacionin e Fax Web

 


AktualitetFlashKryesoreTe FunditTe Gjitha

“Të lutem babi, dorëzohu”, vajza telefonon babain në Elbasan, 71-vjeçari vijon të mbajë ‘peng’ qytetin

Prej më shumë se 3 orësh, Lefter Zhidro, me origjinë nga Saranda po mban ‘peng’ qytetin e Elbasanit, ndërkohë që forca të shumta policie kanë rrethuar banesën e tij.

Mësohet se ka disa minuta që vajza e tij, po negocion përmes telefonit me të atin për ta bindur që të dorëzohet.

Floresha, e cila ka bërë denoncimin sot e ka kërkuar ndihmë nga policia, pas një konflikti, është gruaja e tretë e tij, me të cilën prej kohësh rezulton i divorcuar.

Një djalë i tij jeton i vetëm, ndërsa një djalë tjetër i jeton në Norvegji. Gruaja e trete, Floresha ka vetëm një vajzë me të, e cila ka telefonuar të atin.

Prej me shumë se 3 orësh një 71-vjeçar është rrethuar nga policia në shtëpinë e tij në lagjen 11 Nëntori, në Elbasan për shkak se ka qëlluar me breshëri automatike, ndaj një patrulle, ku nga të shtënat mbetën të plagosur dy kalimtarë të moshës 21 dhe 22 vjeç.

I moshuari Lefter Zhidru, ka pasur fillimisht një konflikt me bashkëshorten e tij, e cila kishte njoftuar policinë. Ndërsa pas të shtënave, në vendngjarje kanë mbërritur edhe forcat speciale RENEA., të cilat pritet të ndërhyjnë.

Burime për Fax News bëjnë me dije se është ndërprerë energjia elektrike në gjithë zonën ku është vendosur perimetri i sigurisë. Pritet nga minuti në minut ndërhyrja me metoda të sofistikuara brenda banesës ku ndodhet 71 vjeçari. Në Elbasan konfirmohet prezenca e çdo agjensie përkatëse qoftë e për ndërhyrjet, dialogun, anti-eksplozivin etj. Në operacion të angazhuar persona me pozita të larta në policinë e shtetit.

Autoritetet policore, kanë 3 skenarë të mundshëm.

“E para është vazhdimi i negociatave deri në dorëzimin e 71-vjeçarit. Nuk përjashtohet edhe një ndërhyrje e forcave RENEA, duke përdorur gazin lotsjellës dhe neutralizimin e Lefter Zhidrut. Por nëse do të ketë kundërshtim nga ana e 71-vjeçarit, atëherë snajperët që janë vendosur në pallatet përballë, do të veprojë sipas policisë, duke mos saktësuar nëse do të merret një veprim duke tentuar edhe plagosjen e tij në mënyrë që të dorëzohet.

Por deri më tani duket se negociatat nuk kanë shkuar aq mirë, pasi 71-vjeçari është dëgjuar të bërtasë shpesh nëpër banesë. Nuk del më ballkon siç dilte në momentet e para dhe nuk ka pamje vizuale ende për policinë. Familjarë dhe oficerë të policisë po negociojnë për dorëzimin e tij, por siç duket ai vazhdon t’i kërcënoj se do t’i qëllojë, pasi siç thashë, ka në dorë një pistoletë dhe një kallashnikov dhe siç duket në momente të caktuara ai qëllon ku ndjen praninë e policisë pranë banesës së tij”.

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *