Shkarkoni aplikacionin e Fax Web

 


AktualitetFlashTe FunditTe Gjitha

Atentati ndaj Prokurorit/ Lë pas dy javësh spitalin Aleksandër Laho

Pas 18 ditësh, ka lënë spitalin e Durrësit këtë pasdite Aleksandër Laho ose i njohur ndryshe si “Rrumi”. Laho mbeti i plagosur në atentatin ndaj Prokurorit Arian Ndoja në datën 1 nëntor. Landi Muharremi derimë tani nuk ka dhënë asnjë dëshmi, për shkak se një prej plumbave e ka kapur në pjesën e nofullës, dhe e ka të pamundur të flasë.

Aleksandër Laho u shoqërua drejt banesën me autoambulancë. Ndërsa Prokurori Ndoja vazhdon të qëndrojë në ambjentet e spitalit të Durrësit ku po merr mjekimin e plagëve.

Ndërkohë, shoferi i prokurorit, Andi Maloku ndërroi jetë pak ditë më parë. Maloku ishte personi i cili i shpëtoi jetën prokurorit Ndoja, pasi pavarësisht se makina me të cilin udhëtonte ishte me një shpejtësi mjaft të madhe, manovrat e tij bën që të plagosurit ti shpëtonin vdekjes.

Kujtojmë se nga atentati i datës 1 nëntor në Shkozet të Durrësit mbeti i plagosur prokurori i Durrësit Arjan Ndoja, si dhe Landi Muharremi i cili ndodhej në makinën e prokurorit.

Ndërkohë në dëshminë e tij pas atentatit prokurori Arjan Ndoja, tregoi se me Muharremin është takuar rastësisht në një restorant, dhe më pas është nisur me mjetin e tij në drejtim të Tiranës.

Në vendin e ngjarjes janë gjetur 20 gëzhoja, pjesa më e madhe e plumbave është qitur në anën nga ka qenë i ulur prokurori Ndoja, çka shton dyshimet që ai të ketë qenë dhe shënjestra.

Kujtojmë se për ngjarjen e rëndë është arrestuar Redjan Rraja, për të cilin gjykata vendosi masën e sigurisë “Arrest me Burg”.

Fjalët Kyce
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *