Shkarkoni aplikacionin e Fax Web

 


AktualitetFlashSportTe FunditTe Gjitha

“Ata nuk harruan atdheun e tyre”. Ministrat zviceranë dalin në mbrojtje të Xhakës dhe Shaqirit

Festimi i golave të Xhakës e Shaqirit me anë të shqiponjës dy krenare, pati kritika e mbështetje.

Ministri zviceran i Sportit, Guy Parmelin nga radhët e SVP-së dhe ministri i Jashtëm, Ignazio Cassis nga FDP-ja, në gazetën “NZZ am Sonntag” i kanë përkrahur dhe mbrojtur gjestet e dy futbollistëve etnikë shqiptarë, Granit Xhaka dhe Xherdan Shaqiri, në ndeshjen e futbollit të së premtes kundër Serbisë.

“Ata që kanë përjetuar atmosferën e stërngarkuar, performanca e ekipit kombëtar zviceran vlerësohet më shumë dhe mund të kuptojnë kur emocionet e kaplojnë një lojtar”, ka deklaruar Parmelin, i cili kishte ndjekur lojën në stadium.

“Por nuk është në frymën e sportit, tani nga emocionet të krijohet polemikë”, tha më tej ministri.

Ministri i Jashtëm Cassis, të shtunën pas lojës, ekipin e ka quajtur edhe një shembull të shkëlqyeshëm të bashkimit të kulturave të ndryshme, shkruan “Oltner Zeitung”, përcjell Albinfo.ch.

Lidhur me gjestin e shqiponjës dykrenare, këshilltari nacional me rrënjë italiane, për  gazetën ka deklaruar: “Unë nuk dyshoj se mund t`i ndjeni emocionet patriotike të kombit, pa harruar atdheun përkatës”.

Me këtë nuk është pajtuar këshilltarja nacionale nga radhët e SVP-së, Natalie Rickli, e cila ka bërë publike pakënaqësinë e saj, të premten në Tëitter Air: “Të dy golat nuk u shënuan për Zvicrën, por për Kosovën”. Bile kolegu i saj, Mauro Tuena madje ka folur për një “rrëmujë”.

Gjestet janë përkujdesur për keqkuptim edhe te CVP-ja: “Ata personalisht duhet të vendosin nëse janë zviceranë apo shqiptarë”, ka pohuar këshilltarja nacionale , Kathy Riklin.

Sipas “NZZ am Sonntag” qëndrim çuditërisht të butë ka bërë anëtari i SVP-së, Andreas Glarner: Ai vuri në dukje se emocionet janë të kuptueshme, duke pasur parasysh situatën e paqëndrueshme.

Menjëherë pas ndeshjes të së premtes në Kaliningrad, shumë politikanë kishin shprehur mendimet e tyre, por jo vetëm përkrahëse. Të shtunën, FIFA filloi një hetim kundër Xhakës dhe Shaqirit. Është duke u hetuar nëse fetimi i tyre ka qenë i motivuar politikisht, pas shënimit të golave. Shqiponja e dyfishtë e zbukuron flamurin e Shqipërisë, ndërsa Serbia nuk e njeh Kosovën si një vend të pavarur.

Fjalët Kyce
Për kë do të votoni në zgjedhjet e 25 prillit?
  • Koalicioni i udhëhequr nga PD 53%, 8502 votes
    8502 votes 53%
    8502 votes - 53% of all votes
  • PS 28%, 4539 votes
    4539 votes 28%
    4539 votes - 28% of all votes
  • Nuk do të votoj 9%, 1492 votes
    1492 votes 9%
    1492 votes - 9% of all votes
  • LSI 5%, 785 votes
    785 votes 5%
    785 votes - 5% of all votes
  • Të tjera 4%, 666 votes
    666 votes 4%
    666 votes - 4% of all votes
Total Votes: 15984
19/03/2021 - 25/04/2021
Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.