AktualitetFlashKryesoreTe FunditTe Gjitha

“Ata kanë qënë bash duke fluturu”, flet dëshmitari i aksidentit me 4 të vdekur në Fushë Krujë: Ishin djem të rinj…(Zbardhen emrat e tyre)

Një aksident tragjik në afërsi të kryqëzimi të Borizanës në Fushë-Krujë, u mori jetën katër të rinjve mbrëmjen e djeshme, mjeti audi i të cilëve goditi nga pas një trajler që ishte duke ardhur nga Kosova.

3 prej të rinjve që mbetën të vdekur në vend janë identifikuar si Nazmi Rrahmani 35-vjeç, Flamur Visha 35-vjeç, dhe Arben Koni 33-vjeç.

Personi i katërt që humbi jetën teksa ishte duke u transportuar drejt spitalit të Traumës, është ende i paidentifikuar për Faxweb.al.

Ashtu siç u tha dhe në momentet e para të pas aksidentit, arsyeja e përplasjes duket të ketë qenë shpejtësia e lartë me të cilën udhëtonte mjeti i katër viktimave.

Si pasojë e shpejtësisë së lartë ata nuk kanë mundur dot që të frenojnë, duke shkaktuar një përplasje të fortë, që çoi në vdekjen e tyre.

Një dëshmitar që ka qenë në vendin e ngjarjes, në momentin e aksidentit,ka dhënë detaje për Fax Neës, ku shprehet se vetë ai ka ndihmuar në nxjerrjen e trupave nga makina, por përpjekjet për shpëtimin e tyre kanë qenë të kota.

“Ata kanë qënë bash duke fluturu, makina e atij kosovarit nuk ka pas faj. Të katër të vdekun, skishte ça me bëje. Kam qenë i pari që kam ardhur këtu se punoj roje. Trupat i kena qet me dorë, i kena nxjerrë kështu me gjak, trupa të rëndë shumë, djem të shëndoshë. Shpejtësia vallai, kanë qenë shumë”, shprehet dëshmitari, i cili punonte si roje në një karburant që gjendej pranë vendit ku ndodhi aksidenti.

Mësohet se viktimat kanë qenë banorë të fshatit Larushk të Fushë-Krujës.

(E.K/Faxweb.al)

Fjalët Kyce

A ju duket i drejtë vendimi i qeverisë Rama për të kufizuar dhe lëvizjen e këmbësorëve si masë për të parandaluar përhapjen e COVID 19?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *