Shkarkoni aplikacionin e Fax Web

 


AktualitetFlashPolitikëRajoniTe FunditTe Gjitha

“Asnjë cicërimë nga qeveria”, Shehu për sulmin në Beograd: Vuçiç po i vonon tekstin Ramës, po ringjallin Jugosllavinë

Ish-deputeti i Partisë Demokratike, Tritan Shehu akuzoi ashpër qeverinë se nuk po reagon për sulmin e ambasadës së Malit të Zi në Beograd mbrëmjen të enjtes sepse është vetë palë me Presidentin e Serbisë, Aleksandar Vuçiç.

Shehu me ironi u shpreh se kryeministri Edi Rama po pret që t’i dërgojë Vuçiç reagimin, ku të thotë Jugosllavia e Re që po ringjallet është mbi gjithçka.

“Heshtje e plotë, asnjë cicerimë nga zyrat e qeverisë këtu?! Siç duket, Rama është në hall të madh: Kryetari i Mini Shengenit, Vuçiç po ja vonon tekstin dhe ky po pret si i priste dikur ato letra Hoxha prej Titos, se pa dyshim mbi stabilitetin, të drejtat, mbi interesat e vendit, mbi OSBE-në, mbi gjithçka është ajo Jugosllavi e Re me Carin e saj komandues, që ata po e nxjerrin nga pluhuri i historisë për t’jua vënë mbi krye e komanduar me kërbaç shqiptarët e rajonin, si dikur…

Teori të vjetra e të rrezikshme për dominim këto, por që Vuçiç me zbatues Rama e Zaev po i ringjallin dhe që tashmë po u japin energji të reja ëndrrave nacionaliste e keqpërdorimit të fesë, gjë që u materializua dhe mbrëmë në Beograd”, tha Tritan Shehu në “Facebook”.

Sipas tij, zyrtarët e qeverisë më së paku duhet të kishin dënuar sulmet provokuese ndaj ambasadës së Malit të Zi nga huliganët serbë.

Postimi i plotë i Tritan Shehut:

Hesht «Presidenca» e re e OSBE-së, sikur ta komandonte Vuçiç! Asgjë nuk pipëtin nga Tirana, që ka dhe Kryesinë e OSBE, në lidhje me ngjarjet shumë të rënda kundër Ambasadës së Malit të Zi në Beograd!

Si vend i rajonit dhe si detyrim së fundmi i OSBE-së, së paku një thirrje dënuese ndaj atyre provokacioneve, së paku një thirrje për qetësi duhej nxjerrë nga zyrat qeveritare, nga ngrehina e Ministrisë sonë të Jashtme për sa ndodhi, po ndodh e mund të ndodhë përsëri në Beograd, duke rrezikuar përkeqësimin. Heshtje e plotë, asnjë cicerimë nga zyrat e qeverisë këtu?!

Siç duket, Rama është në hall të madh: Kryetari i Mini Shengenit, Vuçiç po ja vonon tekstin dhe ky po pret si i priste dikur ato letra Hoxha prej Titos, se pa dyshim mbi stabilitetin, të drejtat, mbi interesat e vendit, mbi OSBE-në, mbi gjithçka është ajo Jugosllavi e Re me Carin e saj komandues, që ata po e nxjerrin nga pluhuri i historisë për t’jua vënë mbi krye e komanduar me kërbaç shqiptarët e rajonin, si dikur…

Teori të vjetra e të rrezikshme për dominim këto, por që Vuçiç me zbatues Rama e Zaev po i ringjallin dhe që tashmë po u japin energji të reja ëndrrave nacionaliste e keqpërdorimit të fesë, gjë që u materializua dhe mbrëmë në Beograd.

(M. I./ Faxweb.al)

Fjalët Kyce

A mendoni se duhet të hapen shkollat në 14 shtator sipas udhëzimeve të Ministrisë së Shëndetësisë?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *