Policia italiane arrestoi sot një oficer 64 -vjeçar në pension të ushtrisë gjermane, i lidhur me një grup të ekstremit të djathtë që dyshohet se komploton përmbysjen me dhunë të qeverisë demokratike të Gjermanisë, thuhet në një deklaratë.
Policia njoftoi se personi u arrestua në një hotel në qytetin e Perugias , ku u gjet “material që lidhet me veprimtarinë subversive” të organizatës.
Në deklaratë thuhet se kanë filluar procedurat për ekstradimin e të dyshuarit.