Shkarkoni aplikacionin e Fax Web

 


AktualitetEkonomiFlashPolitikëTe FunditTe Gjitha

Afati i fundit për aplikimin e pagës së lùftës, Drejtoresha e Tatimeve: Janë larguar nga puna 38 mijë persona për shkak të COVID-19

Ministrja e Financave dhe Ekonomisë, Anila Denaj, e shoqëruar nga Drejtoresha e Përgjithshme e Tatimeve, Delina Ibrahimaj kanë zhvilluar takime me bizneset e mbyllura për shkak të situatës së krijuar nga  Covid-19.

Ministrja Denaj tha se hapja e bizneseve është çështje kohe duke shtuar se do të garantohet zbatimi i të gjitha protokolleve duke pranuar se jo të gjithë përfituesit e pagës së dytë të luftës kanë arritur ta marrin në kohë.

“Hapja e bizneseve do jetë çështje kohe duke siguruar protokollet që kemi thënë dhe do bëhet mënyrë jetese. Bizneset e mbyllura kanë përfituar nga paketa e parë, ajo e pagës për tre muaj, pagës minimale. Jo të gjithë personat që janë përfitues të pagës së dytë kanë arritur të marrin paketën e dytë brenda afateve kohore. Kemi propozuar ndryshime proceduriale që do tejkalojnë disa nga vështirësitë operacionale,” tha Denaj.

Nga ana e saj, Drejtoresha e Tatimeve Delina Ibrahimaj tha se vetëm gjatë periudhës mars-prill janë larguar nga puna rreth 38 mijë individë. Ajo u shpreh se të gjithë tatim-paguesit dhe individët që nuk kanë përfituar nga paga e luftës duke të aplikojnë deri më datën 5 qershor.

Ajo u shpreh se nëse bizneset nuk aplikojnë atëherë paga e luftës do i kalojë të gjithë individëve që përfitojnë.

“Kemi ndjekur procesin e ankesave nga individë apo tatim paguesit që nuk kanë mundur të aplikojnë ose përfitojnë nga paketa e dytë. Janë rreth 38 mijë individë që janë larguar nga puna në periudhën mars-prill për COVID-19, kemi bërë të mundur që të përfitojnë nga paga e luftës. Drejtoria e Përgjithshme e tatimeve do të afishojë në faqen e vet të gjithë tatim-paguesit do jenë përfitues të këtij ndryshimi si edhe individët. Kanë kohë që të aplikojnë deri në datën 5 qershor siç ka qene edhe procedura e aplikimit për paketën e dytë. Mbas datën 5 qershor nëse bizneset nuk aplikojnë pagën e luftës do ia kalojmë të gjithë individëve që duhet të përfitojnë duke arritur në vlerën e 170 mijë personave,” tha Ibrahimaj.

Partitë politike firmosën Marrëveshjen për Reformën Zgjedhore. A mendoni se Presidenti Meta duhet të dekretojë një datë zgjedhjesh në tetor të këtij viti?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *