Emiljano Aleksi, këshilltari për Media i Kryetarit të Kuvendit, Ilir Meta, ka reaguar së fundmi lidhur me analizat, reagimet, hipozet që po qarkullojnë së fundmi mbi zgjedhjet e 18 qershorit, mundësive për koalicione të ndryshme.
Sipas tij, nuk duhen bërë kalkulime aritmetike sepse politika nuk është aritmetikë, matematikë, por është më tepër kimi. Duke qenë se ka reaksionet e saj, Emiljano Aleksi shprehet se asnjëherë nuk i dihet deri në fund.
“Gjithmonë ekzistonte legjenda që zgjedhjet do të dalin aty-aty. Do të dalë e majta (+ FRD) dy mandate para, 72 me 68 apo 71 me 69, sepse bëhen kalkulime aritmetike. Pra, sa ka marrë LSI-ja para zgjedhjeve, sa ka marrë PD-ja, sa ka marrë PS-ja e kështu me radhë, ndërkohë që politika nuk është as aritmetikë e as matematikë, është më shumë #KIMI. Dhe natyrisht që ka proceset e saj, ka reaksionet e saj dhe absolutisht garës asnjëherë nuk i dihet deri në fund.”, shprehet ai.
Ky reagim i Emiljano Aleksit vjen pas analizës së “TCH”-së me ekspertë elektoralë, nga ku u arrit përfundimi se nëse PS do të krijonte koalicion me PDIU dhe FRD do të kishte 72 mandate përballë Metës me 11, por do të ishte një mazhorancë më e dobët se ajo e Sali Berishës në 2009-ën.
Kjo analizë u cilësua si “Fake News” nga kryedemokrati Lulzim Basha që u shpreh se këto gënjeshtra fshehin realitetin. (XH.A/SHUPLAKA)
