AktualitetFlashTe FunditTe Gjitha

Alarmi nga koronavirusi/ Shkon në 60 numri i të prekurve në Itali, qeveria plan masash për ta parandaluar

Koronavirusi vazhdon të përhapet: rasti i parë është regjistruar në Piemonte (është një 40 vjeçar nga Torino ) dhe në Milano ku ka dy raste (një 78 vjeçar nga Sesto San Giovanni dhe një tjetër të infektuar në Mediglia).

Kështu, bilanci i njerëzve pozitivë për testet midis Lombardisë (47) dhe Veneto (12) dhe Piemonte 1, rritet në 60. Deri më tani ka dy viktima.

Ndërkohë Emergjencat civile kanë bërë apel që qytetarët të paraqiten në spitale vetëm nëse është e nevojshme.

Autoritete italiane kanë njoftuar edhe mbylljen e universiteteve në Lombardi, nga data 24 deri më 29 shkurt, për shkak të situatës së krijuar.

Qeveria italiane është duke punuar edhe për një dekret të ri ligji, me një seri masash të veçanta, për të ndaluar përhapjen e virusit vdekjeprurës.

Mes këtyre masave që pritet të merren janë mbyllja e shkollave, pezullimi i demonstratave, si dhe po shqyrtohet mundësia për ndërprerjen e aktiviteteve të punës.

Po ashtu po parashikohet edhe përdorimi i forcave policore dhe ushtarake në rast të nevojave për zbatimin e kërkesave.

Dhe në kisha është e ndaluar të shkëmbehet shenja e paqes dhe përmes ujit të shenjtë.

Kryeministri italian, Giusepe Conte, ka mbledhur komitetin operativ të mbrojtjes civile, për të vlerësuar masat e reja të jashtëzakonshme. Po punojmë pa pushim për të reaguar me forcë të plotë ndaj kësaj emergjence – ka thënë ai.

“Ne po verifikojmë të gjithë personat që kanë hyrë në kontakt me këta pacientë. Mund të ketë një rritje të mëtejshme të rasteve, por e rëndësishme është të të marrim masat për të evituar përhapjen e mëtejshme” tha më pas ai.

A ju duket i drejtë vendimi i qeverisë Rama për të kufizuar dhe lëvizjen e këmbësorëve si masë për të parandaluar përhapjen e COVID 19?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *