Prej shumë kohësh është përfolur në media se modelja Adrola Dushi ishte ndarë nga bashkëshorti i saj Adisi me të cilin ka një djalë, Troin. Ndërkohë modelja vazhdimisht i kishte përgënjeshtruar këtë lajmë mbi ndarjen nga bashkëshorti.
Siç duket lajmet për ndarjen e tyre kanë qenë të vërteta pasi e ftuar sot në “Xing me Ermalin”, Adrola e ka pranuar për herë të parë që ajo dhe Adisi nuk janë më bashkë
“Martesa nuk ishte gabim, por unë dhe Adisi ishim shumë të rinj. Nuk mendoj se është as faji im, as faji i Adisit për ndarjen tonë. Është thjesht faji i situatës, Troi erdhi shumë herët në jetën tonë. Pse nuk funksionoi do ngelet mes meje dhe Adisit”, u shpreh Adrola
Por edhe pse të ndarë, Adrola tregon se ajo dhe ish-bashkëshorti kanë një marrëdhënie shumë të mirë dhe takohen për shkak të Troit.
“Marrëdhënia jonë është shumë e mirë tani, aq sa na takon. Flasim me njëri-tjetrin, kur bëhet fjalë për Troin jemi gjithmonë bashkë. Nuk jemi ndarë me sherr e shamatë, kjo është gjë e mirë. Troi vdes për babin, për gjyshërit, takohen shpesh. Troit nuk i mungon as mami, as babi, as gjyshërit. Troi është ajo qershia mbi tortë në familjet tona”, përfundoi Adrola.
(M.Q/Faxweb)
Discussion about this post