A ishte Kastriot Reçi pronar i një medie lokale, AMA reagon me urgjencë

AMA ka reaguar lidhur me vrasjen e Kastriot Reçit në Rrëshen, ku shprehet se ai nuk rezulton që të jetë pronar i ndonjë medie lokale.

Sipas AMA Kastriot Reçi ka qenë ortak i televizionit “M+”, të cilit i është hequr licenca me vendim Bordi të AMA-s në vitin 2018.

Njoftimi i plotë i AMA-s:

Autoriteti i Mediave Audiovizive (AMA), shpreh keqardhje për humbjen e jetës së shtetasit Kastriot Reçi dhe i shpreh ngushëllimet më të sinqerta familjes.

AMA në përgjigje të interesit publik, sqaron se shtetasi Kastriot Reçi nuk rezulton të jetë pronar i asnjë televizioni apo subjekti tjetër.

Kastriot Reçi ka qenë ortak i televizionit “M+”, të cilit i është hequr licenca me vendim Bordi të AMA-s në vitin 2018.