Ish-mbrojtësi i Interit, Marco Materazzi ka folur për shanset që ka skuadra e Juventusit për të fituar trofeun e Champions League.
Në një intervistë për Eurosport, Materazzi ka thënë: “Juventusi çdo vit në Champions është i fortë dhe e ka obsesion këtë trofe. Kur fiton shumë në Itali duhet të bësh ndonjë hap më shumë në Champions. Këtë vit kanë marrë një lojtar që nuk ka të dytë në nivelin e tij dhe e kanë marrë pikërisht për këtë objektiv. Në Itali askush nuk është në gjendje t’u heqë atyre titullin kampion. Ata janë të pajisur më mirë këtë vit, kanë lojtarë që luajnë bashkë prej vitesh dhe kanë Ronaldon, që duhet të bëjë pjesën e tij”.
Gjithashtu ish-mbrojtësi i kombëtares italiane tha se nëse nuk e fitojnë edhe këtë vit Champions League do të ishte një dështim i madh për skuadrën e Juventus.
“Problemi qëndron që nëse nuk e fitojnë do të jetë një dështim. Kur merr atë që së bashku me Mesin është më i forti në botë, është e drejtë të presësh triumfin në Champions. Unë e shoh Ronaldon nga jashtë, ka mentalitet.” përfundoi Marco Materazzi.
Ndër të tjera italiani shtoi se nuk mund të bëjë tifo për Juventusin sepse është interist, por si italian do ti përgëzoj nëse e fitojnë.
