Pasi kryetarja e Kuvendit Lindita Nikolla anuloi mbajtjen e mbledhjes së Këshillit të Mandateve, kryetari i komanduar i PD-së Enkeled Alibeaj deklaroi se 5 deputetë të opozitës kanë nënshkruar një kërkesë.
Kërkesa që të mbahet Këshilli i Mandateve është firmosur nga deputetët Ervin Salianji, Gazment Bardhi, Greda Bardeli, Saimir Korreshi, Enkelejd Alibeaj.
Kjo kërkesë është firmsour për mbajtjen e kësaj mbledhje për të shqyrtuar kërkesën e SPAK për arrestimin e Alqi Bllakos.
Alibeaj: Nuk ishte e habitshme që do anulohej mbledhja e Këshillit të Mandateve.
Nga ana jonë 5 deputetë të opozitës është paraqitur një kërkesë që ka objekt për thirrjen e mbledhjes së Këshillit. Kërkesa është firmosur nga deputetët Ervin Salianji, Gazment Bardhi, Greda Bardeli, Saimir Korreshi, Enkelejd Alibeaj.
Këshilli i Mandatit mblidhet ose me kërkesë të kryetares së Kuvendit, në rast anulimi thirret nga anëtarët, sepse në orën 6 Prokuroria me të drejtë pret përgjigjie nga Kuvendi i Shqipërisë.
Kështu kuvendi nuk bëhet pengesë për hetimet, kështu tregohet detyrimi ligjor dhe që drejtësisë të mos i vendoset shkopinj në rrota. Në orën 18 ne do jemi në sallë për të bërë detyrën tonë ndaj drejtësisë.
Discussion about this post