Ditën e sotme SPAK ka dhënë detaje mbi operacionin e zhvilluar në Frakull të Fierit ku u gjetën thasë me pleh kimik, ku ishin të fshehur 430 kg kokainë. Kjo e fundit kapte vlerën e 40 milionë eurove.
Prokurori Adnan Xholi në një dalje për mediat, tha se lënda e madhe narkotike është nisur nga Kolumbia që prej muajit maj teksa janë arrestuar 10 persona.
Ndërkohë Xholi i pyetur nëse porositësi është rezident në Dubai, ai tha se nuk mund ta konfirmojë këtë gjë.
Pyetja: Janë rezident në Dubai? A e kontrollojnë ardhjen në Shqipëri të kësaj sasie?
Prokurori: Unë jam prokuror dhe jo fallxhor, nuk e them dot se ku janë. Por financuesi është në Shqipëri.
