Shkarkoni aplikacionin e Fax Web

 


AktualitetFlashTe FunditTe Gjitha

Kruja vijon të ‘skuqet’, sa raste të reja me Covid 19 u zbuluan në 24 orët e fundit

Kruja vijon që të mbetet një nga zonat e kuqe në vend, me raste sporadike të Covid 19, që kanë si pikënisje disa biznese fason në qytet dhe më pas u zgjeruan dhe te familjarët e personave të prekur.

Në 24 orët e fundit bëjnë me dije burime për Faxweb.al se janë zbuluar 3 raste të reja me koronavirus, të cilat kanë qenë raste kontaktesh të personave që janë infektuar më herët.

Për më shumë se 3 javë nuk kemi humbje jete dhe ky është një indikator që tregon qëndrueshmërinë e këtij shpërthimi epidemik. Në vendin tonë sipas deklaratës së djeshme të bërë nga ana e Ministrisë së Shëndetësisë janë të shtruar 17 pacientë dhe 5 prej tyre janë në terapi intensive, ndërkohë që u raportuan 12 raste të reja.

Deri dje janë konfirmuar pozitivë me COVID-19 në të gjithë vendin 981 qytetarë. Prej tyre, rreth 79% janë të shëruar.  Në vendin tonë aktualisht janë 173 persona aktivë me COVID19, kryesisht ne Tiranë, Durrës Krujë, Shkodër.

Nga fillimi i epidemisë janë kryer mbi 14 mijë testime molekulare dhe serologjike. Deri tani janë mbi 1300 testime serologjike në personel shëndetësor dhe pacientë, me një pozitivitet të përgjithshëm rreth 8%. (E.K/Faxweb.al)

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *