Shkarkoni aplikacionin e Fax Web

 


AktualitetFlashTe FunditTe Gjitha

11 mësues shfaqin komplikacione në Durrës pas marrjes së vaksinës, drejtoresha e DAR: I lamë nja javë kohë që të merrnin veten (Ç’tha Bino për efektet anësore)

Disa mësues në qytetin e Durrësit kanë shfaqur komplikacione pas injektimit të vaksinës Astra Zeneca, dhe kanë munguar sot në dhënien e mësimit. Burimet bëjnë me dije se janë lënë disa ditë në shtëpi 4 mësues në shkollën “Jusuf Puka” dhe 7 mësues në shkollen “Kushtrimi i Lirisë”.

Lajmin për disa shqetësime në radhë e arsimtarëve që kanë bërë vaksinën e ka konfimuar dhe drejtoresha e DAR në qytetin e Durrësit Jonida Matohiti, edhe pse nuk ka dhënë shifra konkrete.

E kontaktuar nga gazetarja e Fax News Kloida Gjuzi, drejtoresha ka thënë se disa mësuesve u është dhënë 1 javë kohë të rikuperohen nga vaksina, edhe pse Komiteti i Vaksinimit ka dhënë garanci se efektet anësore janë të rralla.

Vetë Silva Bino tha sot nga Shkodra se një temperaturë e lehtë pas marrjes së vaksinës është normale, dhe i ka ndodhur dhe asaj pas marrjes së dozës së Pfizer.

”Mund të kenë pak temperaturë. Edhe unë kam pasur temperaturë pas Pfizer, por jo të gjithë. Me një paracetamol, nuk kanë asnjë problem. Ne kemi një survejancë të mirë që edhe temperaturën, edhe reaksionet e lehta anësore i evidentojmë, kështu që jemi në kujdes. Por nuk kemi parë asgjë dhe nuk ka pasur asnjë problem në vendin tonë”, tha Bino nga Shkodra.

Për kë do të votoni në zgjedhjet e 25 prillit?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.