Shkarkoni aplikacionin e Fax Web

 


AktualitetFlashKryesoreTe FunditTe Gjitha

1.5 milionë euro gjobë një personi, për çfarë dyshohet se u ekzekutua pronari i televizionit (Lidhjet me trafikun e drogës në Holandë)

Një vrasje mafioze ka tronditur ditën e sotme qytetin e Rrëshenit. Kastriot Reçi pronar i televizionit “Media Plus” u ekzekutua ditën e sotme në qendër të qytetit dhe ende nuk janë identifikuar autorët.

Ndërkaq burime për Fax News bëjnë me dije se viktima Kastriot Reci i përfshirë në trafikun e droges në Hollandë, dhe njihet si person me pushtet në kontrollin e drogës në këtë zonë.

Vrasja dyshohet se është bërë për një shumë prej 1.5 mln euro pasi i kishte vënë gjobë një personi.

Pista të tjera për hetim lidhen me atë të gjakmarrjes. Dy vite më parë në Itali është ekzekutuar vëllai i viktimës Gasper Reçi, vrasja e të cilit dyshohet se ka ndodhur për prishje të pazareve të drogës.

Kastriot Reci me vellain e ekzekutuar ne Itali Gasper Reci

Një tjetër ngjarje e rëndë lidhet me vrasjen e Kastriot Reçit, siç është ekzekutimi mafioz me atentat i Armando Gjinit, në gusht të vitit të kaluar në Mirditë.

Edhe pse nuk u tha kurrë publikisht, burime nga prokuroria e Lezhës bëjnë me dije se si autor, ose porositës i vrasjes së Gjinit dyshohet të ketë qenë pikërisht Kastriot Reçi, si një hakmarrje ndaj të vrasjes së të vëllait të tij në Romë.

Ekzekutimi i Armando Gjinit

Por historia nuk është kaq e afërt, pasi janë disa vrasje të tjera që kanë nisur zanafillën e krimeve, që lidhen pikërisht me të bardhën, trafikimin e saj, dhe që lidhet me dy familjet Reçi dhe Gjini, dhe që e kanë pikënisjen në ekzekutimin e Sajmir Jakut ish – drejtor në OSHEE për veriun , i ekzekutuar paraditen e 9 shtatorit të vitit 2016.

Në total janë se janë në total 5 vrasje që kanë ndodhur në Shqipëri, Itali dhe Belgjikë që derivohen nga një konflikt mes dy familjeve me influencë në qytetin e Rrëshenit.

Rrëshen – 9 shtator 2016 (Sajmir Jaku)

Dy persona të armatosur kanë qëlluar për vdekje drejtuesin e linjës së Tensionit të Lartë për veriun në OSHEE Saimir Jakun ndërkohë që një tjetër person mbeti i plagosur. Jaku është qëlluar me kallashnikov , teksa ka qenë duke pirë kafe në një nga lokalet e zonës më të frekuentuar të qytetit të Rrëshenit bashkë me një shok të tij. Autorët braktisën automjetin tip “Benz-Mercedes” në fshatin Gallatë të Kurbinit ku e kanë djegur dhe më pas u larguan.

Sajmir Jaku, Kreshnik Gjini, Gasper Reci

Itali- 28 Prill 2017 (Gasper Reçi)

Itali- Një shqiptar është ekzekutuar më 4 plumba në Romë. Gasper Reci, 43 vjeç nga Rrësheni është ekzekutuar në 2017-tën banesën e tij në Via Simeri Crichi, në Tor Vergata. Nga hetimet në atë kohë nuk u arrit të identifikohej asnjë person si i dyshuar për atentatin, pasi në momentin që është vrarë shqiptari nuk ka pasur asnjë person në vendngjarje.

Në momentin që është qëlluar në banesën e Reçit ka qenë vetëm vajza e tij. Edhe pse ambulanca ka mbërritur menjëherë në vendngjarje, Gasper Reçi nuk ka mund të shpëtojë, pasi plagët e marra i kanë shkaktuar vdekjen e menjëhershme.

Hetuesit italianë bënë të ditur se Gasper Reci kishte disa precedent penal në të kaluarën për posedim dhe shpërndarje të lëndëve narkotike.

Belgjikë 06 Shtator 2017 ( Kreshnik Gjini)

Kreshnik Gjini 31 vjeç u ekzekutua mesnatën e së martës dhe të mërkurës në komunën Forest të Belgjikës. Ai u qëllua me dy plumba nga dy persona të maskuar dhe të panjohur. E gjithë ngjarja ndodhi para syve të koleges së tij të punës, Liliane.

Kreshnik Gjini punonte kamarier në një lokal në Saint-Denis. Mbrëmjen e së martës, ai mbylli llogaritë e xhiros ditore, kyçi biznesin dhe u largua me kolegen e tij. Këtë të fundit do ta shoqëronte me makinë në shtëpi, pasi nuk kishte mundur të arrinte tramvajin e fundit mbrëmjen e së martës.

Të dy shkuan drejt parkingut ku shqiptari kishte makinën. Sapo 31-vjeçari u fut në automjet, aty u shfaqën dy persona të maskuar. Ata e qëlluan me dy plumba duke e lënë të vdekur në vend.

Dyshohet se vrasja e Gaspër Reçit të jetë bërë si hakmarrje për vrasjen e Saimir Jakut, ndërsa vrasja e Kreshnik Gjinit të jetë bërë në hakmarrje të vrasjes së Gaspër Reçit. Në secilën ngjarje morën pjesë dy autorë, por për asnjërën prej tyre nuk është ndaluar apo arrestuar njeri.

Vrasja e Armando Gjinit, gusht 2019

Armando Gjini i cili u ekzekutua në Gusht të 2019-tës me armë zjarri në qendër të Rrëshenit, njihej si pjesë e bandës së Met Kananit, i njohur nga mediat turke si “Eskobari shqiptar” për shkak të famës që ai ka marrë atje si koka e një rrjeti të madh të trafikut të lëndëve narkotike. Pikërisht pas vrasjes së tij dyshohet të ketë qenë Kastriot Reçi i cili u ekzekutua gjatë ditës së sotme

Vrasja e Kastriot Reçit

47-vjeçari u ekzekutua sot pranë lokalit të tij në qendër të Rrëshenit, teksa ishte duke ecur me këmbë. Sipas dëshmitarëve kanë qenë dy persona me një makinë në lëvizje ata që kanë qëlluar me breshëri armësh në drejtim të Reçit, duke e bërë atë viktimën e dytë brenda familjes. Reçi ishte pronar i një televizioni lokal në Mirditë, si dhe dyshohet se ka pasur influencë mbi disa biznese të tjera në zonë.

(E.K/M.Q/ Faxweb.al)

Fjalët Kyce

Mendoni se duhet të hapen listat e partive dhe të ndalohen koalicionet parazgjedhore?

Për t'ju bashkuar grupit të Faxweb.al në Facebook, klikoni Join Group
loading...

Artikuj të Ngjashëm

Leave a Reply

Your email address will not be published. Required fields are marked *